वेब सिरिज ‘बर्खा’को ट्रेलर रिलिज

आज वेब सिरिज ‘बर्खा’को ट्रेलर सार्वजनिक गरिएको छ। जनक घर्ति मगरको लेखन तथा निर्देशन रहेको वेब सिरिज ’बर्खा’ को ट्रेलर सार्बजनिक गरिएको हो।

त्रिकोणात्मक प्रेमकथालाई हाँस्य रुपमा चित्रण गरिएको यस सिरिजमा जनक घर्तिमगर, सिर्जु केसी, केशव घर्ति मगर, लीन ओली, निखिल सेन्चुरी, सुरेश गिरी, इशारा मगर, तेलिशा थापाले अभिनय गरेका छन्। सिरिजको छायांकन रोल्पाका सुलिचौर, घोडागाउँ, नुवाकोट लगायतका स्थानहरुमा गरिएको छ । सिरिजलाई नारायण दहितले छायांकन गरेका छन् भने संदेश शाहले सम्पादन गरेका हुन् । जीएम मुभिज प्रोडक्सनले निर्माण गरेको सिरिजको ट्रेलर सोहि कम्पनिको आधिकारिक युट्युब च्यानल मार्फत सार्बजनिक गरिएको छ।