‘स र र र’मा आँचल र मुकुन

मेलिना राई र राजेश घिमिरेको स्वरमा सजिएको ‘स र र र’ बोलको गीतको म्युुजिक भिडियो सार्वजनिक भएको छ। गीतको शब्द रचना एकतारे सबिन र सरोज परियारको छ भने संगीत स्वयंम गायक घिमिरेकै रहेको छ ।

नेपाली लोकलयमा आधारित मौलिक गीतमा नेपाली बाजाहरुको प्रयोग गरिएको छ। गीतको भिडियोमा आँचल शर्मा र मुकुन भुसालको दमदार अभिनय रहेको भने निकेश खड्काले निर्देशन गरेका छन्।

दुईको प्रेमीको प्रेमभाव उतारिएको यो गीतको भिडिओलाई पनि रमाइलो शैलीमा प्रस्तुत गर्ने प्रयास गरिएको छ। भिडियोलाई हरि हुमागाईं र हरिश सिंहको छायांकन,प्रविण श्रेष्ठको सम्पादन छ।