बिमल र सरिताको ‘मेरो हजुर’मा दुर्गेश र नीता

गायक तथा सर्जक बिमल डाँगीको पछिल्लो सांगीतिक प्रस्तुति ‘मेरो हजुर ’ सार्वजनिक गरिएको छ । ‘पानसमा बत्ति बालेको, फापरको पिठो पठाईदेउ आमा, पागलै बनौला, तिमि बाट म टाढा हुँदै छु, लगाएतका थुप्रै गीतहरु श्रोता तथा दर्शकमाझ ल्याइसकेका गायक तथा सर्जक बिमल डाँगीले पछिल्लो समय ‘मेरो हजुर’ बजारमा ल्याएका हुन् ।

सार्वजनिक गरिएको गीतमा माया प्रेमको बन्धनमा बाँधिएका जोडीको प्रेम भावलाई थप प्रगाड़ता बनाउनका लागि महत्वपुर्ण भूमिका देखाउन खोजिएको छ । बिमललाई गायनमा उनकै श्रीमती सरिता डाँगीलेसाथ दिएकी छन् । बिमल डाँगी कै लय शब्दबाट तयार भएको यस गीतको म्युजिक भिडियोमा दुर्गेश थापा र नीता ढुंगानाको मन लोभ्याउने अभिनय देख्न सकिन्छ । भिडियोलाई निर्देशन प्रकाश भट्टले गरेका हुन् भने छायांकन नवराज उप्रेती, शम्भु मोक्तान र सम्पादन बिष्णु शर्माले गरेका छन् ।