‘देली बेली’का अभिनेता इमरान खानले छोडे अभिनय

बलिउडका अभिनेता इमरान खानले अभिनय छोडेको बताएका छन् । फिल्म ‘देली बेली’ जस्ता सुपरहिट फिल्ममा अभिनय गरिसकेका अभिनेता इमरान खानले आफु अभिनय क्षेत्रबाट टाढा रहने बताएका छन् ।  इमरान खान आमिर खानका भान्जा हुन् । इमरान खानले एक अन्तरवार्तामा आफुले फिल्म लाइनबाट अलग रहने बताएका थिए । नभन्दै उनका साथीहरुले पनि अव इमरान खान फिल्ममा नखेल्ने जाकारी दिएका छन् ।

इमरान पछिल्लो समय फिल्म ‘कट्टी बट्टी’ मा देखिएका थिए । उनले ‘जाने तू जाने ना, किडन्याप, लक, आई हेट लभ स्टोरी’ जस्ता फिल्ममा पनि काम गरेका छन् । उनी अभिनीत फिल्म ‘देली बेली’ दर्शकले निकै रुचाएका थिए । एक फिल्मकर्मीले इमरान फिल्ममा अभिनय नगरेता पनि निर्देशनमा आउन सक्ने आकलन गरेका छन् । तर, यसबारे इमरान खानले कुनै जानकारी गराएका भने छैनन् ।