फिल्म हेर्नका लागि छोरी सहित हलमा आमिर खान

बलिउडमा फिल्म क्षेत्रलाई चलायमान बनाउनका लागि फिल्र्मीकर्मी सक्रिय भएर लागेका छन् । फिल्मकर्मीलाई फिल्म चलाउनका लागि अभिनेता आमिर खान आफै फिल्म हेर्न हल पुगेका छन् । हलमा दर्शक नआएको गुनासो बढिरहेका बेला आमिर छोरीलाई लिएर फिल्म ‘सुरज पे मंगल भारी’ हेर्न हलमा पुगेका हुन् ।
उनले आफ्नो आधिकारिक टुइटरमार्फत फिल्म हेर्न पुगेको जानकारी दिएका हुन् । उनले टुइटरमा ट्वीट गर्दै लेखेका छन्,‘ सिनेमा हलमा ‘सूरज पे मंगल भारी’लाई भेट्न आए। वास्तवमै ठुलो स्क्रीनका अगाडी फिल्म हेर्दै अनुभव बटुलेको छु , त्यो पनि लामो समयपछि ।’

उनले फिल्मको रमाइलो अनुभव बटुलेको भन्दै फिल्मको चर्चा गरेका छन् । फिल्म सानो स्क्रिनमा हेर्नु भन्दा ठुलो पर्दामा हेर्नु निकै आनन्द हुने बताएका छन् । हाल फिल्म ‘लाल सिंह चड्डा’ को काममा व्यस्त रहेका आमिर फिल्म भनेको हलकै लागि निर्माण भएको प्रतिक्रिया दिएका छन् । सानो पर्दामा भन्दा फिल्म ठुलो पर्दामा हेर्दा नै आनन्द आउने बताएका छन् ।

On my way to see Suraj Pe Mangal Bhari in a Cinema Hall. Really looking forward to the big screen experience, after so long !

— Aamir Khan (@aamir_khan) November 17, 2020