२ दशकपछि ‘सल्लेरी पाखामा’ लिएर गायनमा फर्किए दीपक तुम्बापो

गायक दीपक तुम्बापो करीब २ दशक पछि सांगीतिक छेत्रमा फर्किएका छन् । २०५८ सालमा रेकर्ड गरिएको गीतलाई डिजिटल युगको पहिलो गीतको रुपमा ’सल्लेरी पाखामा’लाई आफ्नै युट्युब च्यानल मार्फत सार्वजनिक गरेर गायक तुम्बापो पुनः संगीतमा फर्किएका हुन् ।

स्वर्गीय भिम दा तुम्बापोको शब्द र संगीत र विश्व अधिकारीको एरेन्ज रहेको ‘सल्लेरी पाखामा’ गीतको भिडियोमा दीपक तुम्बापो र मिस पुर्वान्चल मोनिका लिम्बुको अभिनय रहेको छ ।  नरेन मोक्तानको सिनेमाटोग्राफी र प्रदीप बस्नेतको सम्पादन रहेको भिडियोलाइ युवा निर्देशक देवजंग थापाको निर्देशन गरेका हुन् ।

नेपाली सांगीतिक छेत्रमा धेरै पहिला लागेको भए पनि बिभिन्न कारणले गर्दा सांगीतिक छेत्रलाई निरन्तरता दिन नसकिएको गायक तुम्बापोले बताए । पछिल्लो समय साथीहरुले फेरि गायन क्षेत्रमा फकर्न अनुरोध र सल्लाहमा आफु गायन कलामा फर्किए तुम्बापोको भनाईछ ।