तिहारमा पनि ‘ए मेरो हजुर ३’ युट्युबको शिर्षस्थानमा

गत वर्ष प्रदर्शनमा आएको फिल्म ‘ए मेरो हजुर ३ ’ ले राम्रो कमाइ गरेको थियो । फिल्मले हलमा ५१ दिन मनाएको भन्दै दरबारमार्गमा केक समेत काटिएको थियो । हलमा हिट भएको फिल्म ‘ए मेरो हजुर ३’लाई दर्शकले युटुवमा पनि उतिकै मात्रामा रुचाएका छन् ।

युटुवमा सार्वजनिक भएको एक साता वितिसक्दा पनि अझैँ युटुवको शिर्षस्थानमा रहेको छ । युटुवमा अपलोड भएको केहि घण्टापछि फिल्म ट्रेन्डिङमा परेको थियो । आजको मितीसम्म पनि फिल्म ट्रेन्डिङ १ मा नै रहेको छ।  हलमा लगभग १० करोड कलेक्सन गरेको फिल्मलाई झरना थापाले निर्देशन गरेकी छन् ।

फिल्ममा अभिनेता अनमोल केसी र सुहाना थापा, सलोन बस्नेत लगायतको अभिनय रहेको छ । दर्शकले यि जोडीलाई सुरुवात देखि नै मन पराइदिएका छन् । फिल्मलाई सुनिल कुमार थापाले लगानी गरेका हुन् । फिल्म हिट भएपछि सुनिल अहिले ‘ए मेरो हजुर ४’ को धमाधम छायांकन गरिरहेका छन् ।