लक्ष्मी फिल्मको नकरात्मक प्रतिक्रियाको अक्षयको यस्तो छ जवाफ

बलिउड अभिनेता अक्षय कुमार अभिनित फिल्म ‘लक्ष्मी’ हालै डिज्नी प्लस हटस्टारमा नोभेम्बर ९ मा रिलिज भएको छ । फिल्मले राम्रो कमाइ गरिरहेको बेला फिल्मका बारेमा नककरात्मक प्रतिक्रिया बाहिर आइरहेका छन् ।

उनको फिल्मलाई लिएर केहिले उडाउने काम पनि गरे । यसै विषयलाई लिएर अभिनेता अक्षय कुमारले आफ्नो ध्यान दर्शकमाथि मात्रै केन्द्रित हुने भन्दै दर्शकले आफ्नो फिल्म मन पराएको बताएका छन् । फिल्म मन नपराउने कुरा आफूलाई थाहा भएको प्रतिक्रिया दिएका छन् ।

उनले मिड डेसँगको कुराकानीका क्रममा भनेका छन्,‘मलाई असाध्यै राम्रो महसुस भइरहेको छ । मलाई थाहा छ कि थुप्रै क्रिटिक्स मेरो फिल्मलाई रुचाउँदैनन् र म यो कुरा बुझ्छु तर मेरो ध्यान दर्शकमाथि केन्द्रित हुन्छ । मलाई कतिले ‘यो फिल्मले मेरो करियरको सबैभन्दा ठूलो ओपनिङ पाएको बताए ।’
तेस्रोलिङ्गीको भूमिका निभाउनु एलजीबीटीक्यू समुदायको अधिकारलाई बलियो बनाउनु हो । प्याडम्यान (सन् २०१८), टोयलेटः एब प्रेमकथा (सन् २०१२), मिशन मंगल (सन् २०१९) जस्ता फिल्म गर्नुको पछाडि पनि यहि भावना थियो । म परिवर्तन ल्याउन चाहन्छु ।’

हालसम्मकै डिज्नी प्लस हटस्टारमा अक्षयको लक्ष्मीले सबै फिल्मको भ्यूअरशिप रेकर्ड तोडेको छ । फिल्म रिलिज भएको केही घण्टामा नै यो भ्यूअरशिपको बटुलेको थियो । अक्षयले यस फिल्म हेरिदिनुहुने सबैलाई धन्यबाद पनि दिएका छन् ।