‘चिलगाडी’ मा जोजिए संगीतकार बास्कोटा

सञ्चारकर्मी रघुनाथ सापकोटाले निर्माण गर्ने फिल्म ‘चिलगाडी’ मा संगीतकार काली प्रसाद बास्कोटा अनुबन्ध भएका छन् । उनलाई निर्माण टिमले हिजो अनुबन्ध गरेको हो । यस फिल्मको गीतमा बास्कोटाल संगीत भर्नेछन् । यस फिल्ममा अभिनेता नाजिर हुसेन अनुबन्ध भईसकेका छन् भने अभिनेत्रीको खोजीकार्या जारी रहेको छ ।

फिल्मका लागि सुहाउने अभिनेत्रीको खोजि कार्यभई रहेको निर्माता रघुले बताए ।  फिल्ममा सामाजिक विषयवस्तुमा निर्माण हुनेछ । युवा पुस्ताको प्रतिनिधित्व गर्दै बिशेष सन्देश फिल्मले दिने निर्माणपक्षको भनाई छ । फिल्मको पटकथा तथा संवाद यम थापाले लेखेका छन् ।

जनकदिप पराजुलीले फिल्मको निर्देशनको पाटो समाल्दैछन् भने छायांकन सागर प्रधानको रहेको छ । फिल्मका अन्य कलाकार तथा प्राबिधिकहरु छनोट भइरहेको छ भने फिल्म फागुनबाट फ्लोरमा जाने तयारीमा छ । अर्को बर्षको दसैंमा फिल्म प्रदर्शन गर्ने लक्ष्य निर्माणपक्षले राखेको छ ।