राजाको गीतमा हिरो बने जितु

हास्य कलाकार जितु नेपालले पहिलोपल्ट म्युजिक भिडियोमा अभिनय गरेका छन् । उनले हास्यव्यंग्य कलाकार राजा राजेन्द्र पोखरेलको आवाजमा रहेको ‘पिरतीको चश्मा’ बोलको गीतमा जितुले पहिलो पल्ट अभिनय गरेका हुन् ।

उक्त गीतमा टिकटकका भाइरल जुम्ल्याहा दिदीबहिनी समारिका र स्मारिका ढकालसँग कम्मर अभिनय गरेका छन् । कलाकार जितुले पहिलो पल्ट म्युजिक भिडियोमा अभिनय गर्दा रमाइलो अनुभव भएको सुनाए ।  राजुबाबु श्रेष्ठको शब्द तथा राजनराज सिवाकोटीको संगीत तथा राजन इशानको संगीत संयोजन रहेको गीतको भिडियोलाई माइकल चन्दले निर्देशन गरेका छन् ।

भिडियोलाई सम्पादन विकास दाहालले गरेका हुन् भने ज्ञानेन्द्र शर्माले खिचेका हुन् । गीतको भिडियोमा जितु , समारिका, स्मारिका साथमा प्रथम खड्का, सुमन कार्की, प्रभात लामाले पनि अभिनय गरेका छन् ।