पाँच करोड लगानीमा फार्म हाउस खोल्दै दीपकराज

हास्य कलाकार तथा फिल्म निर्माता दीपकराज गिरीले आफ्नै लगानीमा फार्म हाउस खोल्ने भएका छन् । उनले ५ करोड लगानीमा फार्म हाउस खोल्न लागेका हुन् । उनले चन्द्रागिरी नगरपालिकामा रहेको रहेको आफ्नै १० रोपनी जग्गामा फार्म हाउस खोलन लागेको बताएका छन् ।

उक्त फार्म हाउसमा ७ – ८ जनासम्म बस्न मिल्ने ३० वटा स–साना घर र सभा, सेमिनारलगायतका कार्यक्रम गर्नका लागि डेढ सय जनासम्म अट्ने सभाहल निर्माण गरिने छ । त्यसबाहेकको जग्गा जमिनमा कृषि सम्बन्धि काम गर्ने योजना दीपक राज गिरीको रहेको छ । फार्म हाउन करिब २ बर्षको अवधिमा निर्माण सकिने दीपकको तयारी छ । ३ महिना देखि यसैको काममा खटिरहेको पनि उनले जानकारी दिएका छन् ।