गाँजाको केसमा निर्माता फिरोजकी श्रीमती पक्राउ

बलिउड निर्माता फिरोज नडियाडवालाकी पत्नीलाई भारतको नारकोटिक्स कन्ट्रोल ब्यूरो(एमसिबी)ले पक्राउ गरेको छ। उनको घरमा छापा मार्ने क्रममा १० ग्राम गाँजा भेट्टाएपछि फिरोजकी पत्नी शबाना सईद पक्राउ गरेको हो ।

उनीसँगै अन्य चार जना पनि प्रहरीले पक्राउ गरेको छ । फिरोज बलिउडका चर्चित फिल्म निर्माता हुन् । उनले ‘वेलकम’, ‘वेलकम ब्याक’, फिर हेराफेरी, आन ःम्यान एट वर्क’, ‘आवारा पागल दिवाना’, ‘घर हो तो ऐसा’ जस्ता थुप्रै फिल्ममा लगानी गरेका छन् । श्रीमतीलाई गाँजाको केसमा पक्राउ परेपछि फिरोजले चाँडै नै सत्य कुरा बाहिर आउने बताएका छन् ।

केहि महिना अघि एनसिबीले एक ३० वर्षीया महिला टिभी स्टारलाई लागुपदार्थ किनेको आरोपमा पक्राउ गरेको थियो। बलिउडका कलाकारले धेरै ड्रक्स जता गाँजा खाने आरोप लागेपछि प्रहरीले हरेक कलाकारको निगरानी गर्न थालेको हो । लकडाउनका समयमा बलिउड अभिनेता सुशान्त सिंह राजपुतको आत्महत्याको कारण लागुपदार्थ पनि हो भन्ने कुरा बाहिर आएपछि प्रहरीले ‘क’ श्रेणीका स्टारहरूलाई समेत सोधपुछ गरिरहेको छ । ड्रक्स र गाँजा जस्ता कुरामा अभिनेत्री दीपिका पादुकोण, श्रद्धा कपुर तथा सारा अली खान लगायतलाई प्रहरीले सोधपोज गरिसकेको छ ।