सुनिल शेट्टी ‘भारत रत्न डा अम्बेडकर पुरस्कार’बाट सम्मानित

बलिउड अभिनेता सुनील शेट्टीलाई प्रतिष्ठित ‘भारत रत्न डा अम्बेडकर पुरस्कार’बाट सम्मानित गरिएको छ। कोरोना महामारीमा देशभर लागेको लकडाउनका बेला जनमासनको उद्धार तथा राहतमा खटिएको भन्दै उक्त पुरस्कारबाट सम्मानित गरिएको हो ।

उनलाई महाराष्ट्रका गभर्नर भगतसिंह कोश्यारीले शनिवार साँझ राजभवनमा पुरस्कारबाट सम्मान गरेका हुन्। सम्मान समारोहमा दुइ दर्जन मात्र सहभागी रहेका थिए। कोरोना कहरका बेला शेट्टीले महिला सशक्तीकरण, पशु कल्याणका लागि जागरूकता बढाउने काम गर्दै आएका छन् ।

त्यस्तै चैतमा लागेको लकडाउनका क्रममा मुम्बईका डब्बावालाहरुलाई उनले घर पठाउने लगायतको व्यवस्थामा सहयोग गरेका थिए।
अभिनेता शेट्टीले आफु सम्मानित भएकोमा खुसी व्यत्त गरेका छन् । उनले खुसी हुदै भने, सम्झना लायक काम गर्नु पर्ने रहेछ । त्यसैले सम्झना लायक काम गरौँ ।’