मंगोलीयन हर्ट राजु लामाको ‘तिम्रो साथ विना ’

चर्चित गायक मंगोलियन हर्ट राजु लामाको स्वर रहेको गीत ‘तिम्रो साथविना ’ शुक्रवार एक कार्यक्रमबीच सार्वजनिक गरिएको छ । गीतमा राजुलाई निर्मला घिसिङले गायनमा साथ दिएकी छन् । राजधानीको दरवारमार्गस्थित किङरिङ लन्जवारमा कार्यक्रमको आयोजना गर्दै उक्त गीतको भिडियो सार्वजनिक गरेको हो ।गीतमा कुमार स्याङ्ग्बाको शब्द रचना रहेको छ भने निमा लामा दोङले संगीत भरेका छन् ।

दोलखाको पर्यटकीय स्थलकालिञ्चोक आसपास बढि लगानीमा छायाँकन गरिएको गीतमाआसमानतामाङ वाईबा र अमिता दोङको अभिनय रहेको छ । अजय स्याङताङले निर्देशन गरेको गीतको भिडियोलाई विक्रम मोक्तान र चक्र महर्जनले खिचेका हुन् । आसमानसँगै विना घलानको पनि गीतमा लगानी रहेको छ ।

कार्यक्रममा आदिवासी जनजाति चलचित्र महासंघका अध्यक्ष अमृत सुनुवार, चलचित्र प्राविधिक संघका अध्यक्ष पुष्कर लामा, नृत्य निर्देशक संघका पूर्व अध्यक्ष दिनेश पाख्रिन, अभिनेत्री चाँदनी मोक्तानलगायतको उपस्थिती रहेको थियो । मंगोलियन हर्ट राजु लामाले धेरै समयको अन्तरालमापछि ‘तिम्रो साथ विना ’ बजारमा ल्याएका हुन् । गीतको भिडियोमा दोलखाको पर्यटकीय संभावनालाई ध्यानमा राखेर कालिञ्चोकमै छायाँकन गरिएको छ ।
लिंक