परदेशीको पिडामा छटपटाए फोटो पत्रकार प्रदीपराज

लामो समयदेखि नेपालको फोटो पत्रकारिता गर्दै आएका प्रदीपराज वन्तले परदेशी भएपछि छटपटाएका छन् । मलेसियामा रहेका प्रदीपराजलाई घरकी श्रीमतीले फोन गरेर घर आउन आग्रह गर्दा युरोप जाने अहिले घर नआउने जस्ता कुराकानी गरेका छन् ।

यो वास्तविक नभएर एउटा गीतको भिडियोमा रहेको छ । परदेशीको पिडा नामक गीतको भिडियोमा उनीहरुको कुराकानी हो ।
राष्ट्रिय समाचार समिति (रासस)का कार्यरत वन्तले पहिलो पटक म्युजिक भिडियोमा अभिनय गरेका छन् ।

गीतकार नवराज घिमिरे तथा सिजन इन्टरटेन्मेन्टद्धारा पहिलो पटक निमार्ण गरिएको ‘परदेशिको पिडा ’ नामक म्यूजिक भिडियोको विमोचन कलाकार तथा निदेशक आकाश अधिकारी, वरिष्ठ सौन्दयकर्मी सिता न्यौपाने पाठक, वरिष्ठ कर्पोरेटसेफ कुमार चालिसे लगयातले संयुक्त रुपमा विमोचन गरे ।

गायक विनोद दनुवारले स्वर दिनुभएको गीतको भिडियोमा फोटापत्रकार प्रदीपराज वन्त र मोडल तथा जुम्वा प्रशिक्षक सोनाम केसीको अभिनय रहेको छ । गीतको श्रव्य दृश्य सामग्री ( भिडियो) नविनबाबु गुरुङको निर्देशन तथा छायाङकन रहेको छ । नविनालई निर्देशनमा रेजीना तुलाधरले सहयोग गरेकी छन् । भिडियो सम्पादन नविन निरौलाको रहेको छ ।

आफूले पनि कलाकारिताको क्षेत्रमा केही न केही योगदान गर्न सक्छु भन्ने मान्यताका साथ आफू यस क्षेत्रमा आएको गीतका मोडल वन्तले जानकारी दिए ।