‘ओरे पिया रे’ हिन्दी गीतमा सुरबिनाको दमदार अभिनय

बलिउड गीत नेपाली कलाकारले अभिनय गरेका छन् । हालै सार्वजनिक भएको गीत ‘ओरे पिया रे’ मा नेपाली अभिनेत्री सुरबिना कार्की अब्बल अभिनय देख्न सकिन्छ । उनलाई अभिनयमा उनलाई कलाकार यजुवेन्द्र प्रताप सिंहले अभिनयमा साथ दिएका छन् ।
बलिउडका गायक दीपक ठाकुरले गाइएको यस गीतमा अधिकांश नेपाली कलाकार तथा प्राविधिकहरुले भिडियोमा काम गरेका छन् । शुक्रबार रिलिज भएको यस गीतको भिडियो जी म्यूजिकको यूट्युव च्यानलबाट सार्वजनिक भएको हो । सार्वजनिक भएको ‘ओरे पिया रे’ बोलको गीत सत्य घटनामा आधारित छ ।

कोरोना भाइरसको संक्रमणबाट बच्न भारत सरकारले लागू गरेको लकडाउनका कारण प्रवासी मजदुरहरुले पाएको दुःखलाई गीतको भिडियो मार्फत प्रस्तुत गरिएको छ । साथै एउटा दुर्घटनामा झण्डै १७ जना मजदुरहरुले ज्यान गुमाउनु परेको घटनालाई भिडियोमा देखाइएको छ ।
यो भिडियोको छायांकन कालिङ्पोङ तथा पश्चिम बंगालमा छायांकन गरिएको छ ।

बलिउडकर्मी टिकम शर्माले निर्माण गरेको उक्त भिडियोलाई नेपाली छायांकार पुरुषोत्तम प्रधानले खिँचेका गरेका हुन् । गीतका शब्दहरु गायक दीपक ठाकुरले नै रचना गरेका हुन् भने यसलाई जयन्त पटनायकलै संगीतबद्ध गरेका छन् । भिडियोलाई पल्लविजले निर्देशन गरेका हुन् भने विपिन मल्लले यसलाई सम्पादन गरेका छन् । भिडियोमा जुनिम गहतराजको कलर करेक्सन छ भने वसन्त घर्ती मगरको भिएफएक्स छ ।