‘बाहुबली’ निर्देशकको फिल्म ‘आरआरआर’ यसरी पर्यो विवादमा

बलिउडमा फिल्म छायांकन देखि नै चर्चामा आएको थियो ‘आर आर आर ’ । यसको कारण हो ‘बाहुबली’ जस्तो सफल फिल्म निर्देशन गरेका निर्देशक एसएस राजामौलीले निर्माण गरेको बनेको फिल्म ‘आरआरआर’ भएर ।

दर्शकले पनि निकै आस गरेको फिल्ममा गनिएको थियो । तर , अहिले यो फिल्मको चर्चा नसकिदै फिल्म विवादमा परेको छ । यस फिल्मका निर्देशकलाई तेलंगनाका वीजेपी नेता बादी संजयले धम्की दिएपछि फिल्म विवादमा आएको हो । फिल्मको पात्र कोमराम भीमको प्रस्तुतीमा लगाइएको पोशाकमा उनले आपत्ती जनाउँदै निर्देशकलाई धम्की दिएका हुन् ।

फिल्मको मुख्य अभिनेता जुनियर एनटीआरको लुक्स सार्वजनिक भएको थियो । जहाँ उनले कोमराम भीमको भूमिका निर्वाहा गरेका छन् । कोमरामको भुमिकामा देखिएका एनटीआर कुर्ता पायजामा र मुस्लिम टोपी लगाएका छन् । भिमलाई मुस्लिम टोपी लगाइदिएको भन्दै ति नेताले आपत्ति जनाएका हुन् । फिल्म चलेको खण्डमा हलमै आगो लगाइदिने तर्क समेत गरेका छन् ।

यसबाट फिल्मको फेरि रिसुट गर्नु पर्ने देखिन्छ । फिल्ममा जुनियर एनटीआर ,राम चरण, आलिया भट्ट, अजय देवगण, श्रिया सरनको मुख्य भूमिका छ । फिल्म आगामी जनवरी ८ मा रिलिज गर्ने भनिएको छ । फिल्म विभिन्न भाषामा रिलिज हुँदैछ ।