‘कृष्ण लिला’ मा श्रद्धा इन , दीपिका आउट

फिल्म ‘कृष्ण लिला ’ की अभिनेत्री हेरफेर गरिएको छ । स्वास्थ्य समस्याका कारण दीपिका प्रसाईं फिल्मबाट बाहिरिएको लेखक लक्ष्मण सुवेदीले जानकारी दिएका छन् । स्वास्थ्यमा समस्या आएपछि अभिनेत्री दीपिकाले फिल्मका लागि समय दिन नसक्ने भएकाले अर्की अभिनेत्री राख्नु परेको बताएका छन् ।

दीपिकाको श्रद्धा क्षेत्रीलाई अभिनेत्रीका रुपमा भित्राएको छ । श्रद्धा मुम्बइमा मोडलिङ गरिरहेकी थिइन् । फिल्ममा पुष्प खड्काको जोडीका रुपमा श्रद्धा हुुनेछिन् । फिल्मलाई दीपक ओलीको निर्देशन, रोहित कट्टेल र रत्न श्रेष्ठको निर्माणमा बन्न लागेको हो । फिल्ममा पुष्प र श्रद्धाका अलवा बुद्धि तामाङ्ग, रबिन्द्र झा, नवीन रेग्मी लगायतका कलाकारको अभिनय रहने छ । गत महिना नै फिल्म छायांकनमा जाने भनिएता पनि कलाकार छनोटका कारण ढिला भएको निर्माण पक्षका भनाई छ ।