निराजन र प्रविशाको ‘उड्यो रे मेरो मन’

गायक निराजन कडेल र गायिका प्रविशा अधिकारीको स्वर रहेको ‘उड्यो रे मेरो मन’ गीतको म्युजिक भिडियो सार्वजनिक भएको छ । सार्वजनिक भएको गीतको शब्द तथा संगीत प्रमोद कोइरालाले गरेका छन् ।

भिडियोमा सागर थापा ‘ध्रुव’ र रोशनी कार्कीको प्रेम र रोमान्स देख्न सकिन्छ । गीतको भिडियोलाई कालिन्चोक आसपासका स्थानमा छायाँकन गरिएको छ । भिडियोलाई दिन्सन शाहले सम्पादन गरेका छन । त्यस्तै भिडियोको छायांकन र निर्देशन अनिल के मानन्धरले गरेका छन् ।