ए सानुमा सुनिशा र दिक्पालको छमछम

गायक आदित्य बुढाथोकी र एलिना चौहानको स्वर रहेको गीत ‘ए सानु’को भिडियो सार्वजनिक भएको छ । आदित्यकै संगीत, बिमला हुमागाईको शब्द रहेको गीतलाई सुन्दर लामाले एरेन्ज र मिक्सिङ तथा मास्टरिङ गरेका छन् ।

सार्वजनिक भिडियोमा दिक्पाल कार्की र सुनिशा बजगाईसँगै सक्षम पुडासैनी र प्रिती गौतमी विश्वकर्माकको अभिनय देख्न सकिन्छ । भिडियोलाई मुकेश हुमागाईले छायांकन गरेका हुन् भने पदम सुवेदीले सम्पादन गरेका छन् ।

अहिलेका ब्यस्त नृत्य निर्देशक शिव बिकले कलाकारलाई नचाएका छन् । गायक आदित्यको निर्देशनमा बनेको भिडियोलाई बिमला हुमागाईले लगानी गरेकी हुन् ।