पाइरेसी भयो ‘छ माया छपक्कै’

दिपेन्द्र लामा निदेशित सुपरहिट फिल्म ‘छ माया छपक्कै’ युटुबमा पाइरेसी भएको छ । शनिबार सङअल नामक च्यानलबाट यो चलचित्र अपलोड गरिएको थियो ।

फिल्म पाइरेसी भएपछि यस फिल्मका निर्माता रोहित अधिकारी तनावमा परेका छन् । उनले पाइरेसी गर्ने मान्छे खोजेर कानुनी कार्बाही गर्ने बताएका छन् ।  फिल्मको सम्पुर्ण अधिकार तथा युटुब राइट्स आमा अग्नी कुमारीसँग रहेको छ । तर हिजो अन्तैबाट फिल्म अपलोड भएपछि फिल्म अपलोड गर्नेको खोजी भइरहेको निर्माण पक्षले जनाएको छ ।

निर्माता रोहित अधिकारीले चलचित्र एपबाट फिल्म डाउनलोड गरेर युटुबमा अपलोड गरिएको हुनसक्ने आशंका व्यक्त गरे । फिल्ममा दिपकराज गिरी, केदार घिमिरे, जितु नेपाल, केकी अधिकारी , सुपुष्पा भट्ट लगायत कलाकारले अभिनय गरेका छन् ।