व्यापक बिरोध आएपछि ‘लक्ष्मी बम’को नाम फेरियो

बलिउड अभिनेता अक्षय कुमार अभिनित फिल्म ‘लक्ष्मी बम’को व्यापक बिरोध भएपछि नाम परिवर्तन गरिएको छ । हिन्दू संघ संस्था लगायतले व्यापक बिरोध गरेपछि फिल्मको नाम परिवर्तन गरिएको हो । फिल्मको नाम ‘लक्ष्मी बम’ बाट ‘लक्ष्मी ’ राखिएको छ । यो फिल्म नोभेम्बर ९ मा डिजिटल प्लेटफर्ममा रिलिज हुँदैछ ।

हिन्दू सेनाले केहि दिन अगाडी फिल्मको निर्माण टिमलाई पत्र पठाएको थियो । नाम परिवर्तन र गर्न र निर्मातालाई कार्बाही गर्न माग राखेको थियो । नत्र, फिल्म चल्न नदिने चेतावनी दिएको थियो । हिन्दू सेनाको धम्की आएपछि फिल्मको नाम निर्माणपक्षले परिवर्तन गरेको हो ।
तुसार इन्टरटेन्मेन्ट हाउस र सविना इन्टरटेन्मेन्टले यो लगानीमा निर्माण भएको फिल्ममा अक्षय कुमार र नायिका कियरा आडवाणीको मुख्य भूमिका रहेको छ ।