‘तिम्रो मेरो प्रेम कहानी’को गीतमा प्रियंकाको ठुम्का

बिजया दशमीको अबसर पारेर फिल्म ‘ तिम्रो मेरो प्रेम कहानी’को गीत रिलिज गरिएको छ । गीतलाई नेपआर्ट डिजिटल यूटुब च्यानलबाट सार्वजनिक गरिएको हो । फिल्मलाई नेत्र गुरुङले निर्देशन गरेका हुन् । एजुकेसन एण्ड माइग्रेसन कर्नरले प्रस्तुत गरेको फिल्म ‘तिम्रो मेरो प्रेम कहानी’ सार्वजनिक गीतमा अभिनेत्री प्रियंका कार्कीले अभिनय गरेकी छिन । मिना निरौलाले गाएको यस गीतमा प्रियंका काकीलाई अभिनय गराइएको छ ।

गीतमा शब्द र संगीत रमण गायकले तयार पारेका हुन् ।  फिल्ममा कÞबिराज गहतराजको नृत्य निर्देशन गरेका छन् । ‘ दर्शकले दसैंमा के गीत आउदैछ र घरमा बसेर हेर्न पाइन्छ भन्दै कुरेको अवस्थामा हामीले उपहार स्वरूप गीतको भिडियो सार्वजनिक गरेका हौैँ । जे भए नी फिल्मका गीत सुन्नमा दर्शक निकै आतुर रहेको बेला हामीले हाम्रो फिल्मको गीत रिलिज गरेर केही मनोरञ्जनको आभार गराउनका लागि सार्वजनिक गरेका छौँ ।

दर्शकले पक्कै पनि मन पराउनु हुनेछ ,’ एजुकेशन एण्ड माइग्रेसन कर्नरका सुनील उप्रेतीले भने ।  सुरज आरडीको निर्माण रहेको यो फिल्ममा सुरजकै अभिनय देख्न सकिन्छ । फिल्ममा सुरज आर डीका अलवा,प्रियंका कार्की सारिका केसी लगायत कलाकारहरूको अभिनय रहेको छ ।