हल्ला गर्ने मौन बसे, रोकिएका फिल्म सुरु भए

आकाश श्रेष्ठ र सलोन बस्नेत हिरो भएको फिल्म हिड्दा हिड्दैको सुटिङ भयो त । छैन नी कसरी हुनु । असोज १५ गतेबाट हुने थियो सुटिङ, तर सुरु गर्न सकेनन् फिल्म बनाउनेले ।

कृष्ण लिला फिल्मको सुटिङ पनि असोज १६ बाट हुने भनियो । पुष्प खड्का र दीपिका प्रसाई कलाकार । सुटिङ हुने भनियो तर भएको छैन ।

हल्ला त नभएको कहाँ हो र । भदौदेखि नै रेखा थापा, रोज राणा, मिलन चाम्सले काम सुरु गर्ने हो, प्राविधिक बचाउने हो भनेकै हुन् । तर, कसले बचायो बचाएन दशैंसम्म ।

हल्ला गरेर बसेका फिल्मको सुटिङ सुरु हुन सकेको छैन । तर, रोकिएका फिल्म सुरु भएका छन् ।

निर्माता सुनिल कुमार थापाले ए मेरो हजुर ४ को काम सुरु गरे । सरकारले छायांकन गर भनेको छैन । ७ महिनासम्म काम सुरु गर नभनेको सरकारको कुरालाई कती कुर्ने । निर्माता रोकिएको काम सुरु गर्न कस्सिए ।

बन्ने भनेर २ बर्षदेखि हल्ला भएको आई एम ट्वान्टी वानको पनि काम सुरु भयो । रेनशा राइ निर्देशक हुन् फिल्मको । अभिनेता धिरज मगर र अभिनेत्री जसिता गुरुङले काम सुरु गरे ।

दशैं अघि अब यी दुई फिल्मको काम त होला सुरु हुने । अरु फिल्म दशैंपछि जालान् त । कि हल्लै गरेर बस्लान् ?