पुजा शर्मा एकाएक सडकमा

कोरोनाको कारण धेरैको रोजी रोटी खोसिएको छ । रोजी रोटी खोसिएपछि खानका लागि धेरै सडकमा आइपुगेका छन् । रोजगारी खुल्ने अहिलेसम्म अत्तोपत्तो छैन ।

जसका कारण अफ्ठ्यारामा परेकालाई धेरैले सहयोगी हात थामिरहेका छन् । पछिल्लो समय काठमाडौंका विभिन्न स्थानमा विभिन्न संघ–संस्थाहरुले निःशुल्क खाना वितरण गरिरहेका छन् । अभिनेत्री बेनिशा हमाल देखि पल शाह हुदैँ पूजा शर्माले सडकमा आएर अप्ठ्यारोमा परेकाहरुलाई खाना वितरण गरेकी छन् ।

उनले सोमबार साझा पार्टीको तातो भात अभियानमा सहभागितामा भोकाहरुलाई खाना खुवाएकी छन् । आफुले खाना खुवाइरहेको कुरा पूजाले आफ्नो आधिकारिक इन्स्टाग्राम स्टोरीमा खाना बाँडिरहेको तस्विरहरु शेयर गरेकी छन् । पुजाले बेरोजगारीलाई खाना बाँड्न पाएकोमा खुसी व्यक्त गरेकी छन् । सोमवार साँझ लगनखेलको सडकमा आफ्नै खर्चमा भोकाहरुलाई खाना बाँडेकी हुन् । मनकारी पुजाको समाजसेवामा समय खर्चिदा सधैँ खुसी हुने गरेकी छन् ।