‘संक्रमण’को तयारीमा चौका दाउका निर्देशक

गत चैतबाट फिल्म क्षेत्र ठप्प रहेको छ । छायाँङ्कनमा जान निर्माता निर्देशकले हतार गरेता पनि सरकारले अुनमति दिएको छैन । अनुमति पाइहाल्ने आसमा निर्माता तथा निर्देशकहरुले नयाँ फिल्मको घोषणा गरिरहेका छन् । सरकारले फिल्म क्षेत्रलाई सञ्चालनको अनुमति दिएमा दर्जनौं फिल्म छायांकनमा निस्कने तयारीमा रहेका छन् ।

फिल्म ‘संरक्षण’ फेम्ड निर्देशक पुर्णेन्द्रु झा कोरोना संक्रमण सामान्य भएपछि नयाँ फिल्म निर्माण गर्ने तयारीमा छन् । झण्डै आधा दर्जन फिल्ममा निर्देशन गरिसकेका उनले फिल्म ‘संक्रमण’ को घोषणा गरेका छन् । उनको यो फिल्मपछि लगातार चार फिल्मको निर्माण गर्नेछन् ।

उनले निर्माण गर्ने भनिएको फिल्म ‘संक्रमण’ को स्क्रिप्ट तयार भइसकेको छ । अरु फिल्मको स्क्रिप्टमा काम हुँदैछ । झाले आफ्नै प्रोडक्सन हाउस पुर्णेन्द्रु झा प्रोडक्सनको ब्यानरमा फिल्म निर्माण गर्न लागेका हुन् । छायाँङ्कनमा निस्कने तयारीमा रहेका झाले फिल्मका लागि कलकार छनोट भइरहेको बताएका छन् । उनका अनुसार फिल्ममा नयाँ र पुराना दुवै पुस्ताका कलाकारको समिश्रण रहनेछ । उनको पछिल्लो फिल्म ‘चौका दाउ’ रहेको थियो । जुन गत बर्ष नै प्रदर्शनमा आइसकेको छ । अव बन्न लागेको फिल्म ‘संक्रमण’ ले समीक्षात्मक र व्यवसायिक दुवै सफलता प्राप्त गर्नेमा उनी विश्वस्त देखिएका छन् ।