अफेयरमा रहेका नेहा कक्कड र रोहनप्रीत विवाह गर्दै

बलिउडकी चर्चित गायिका नेहा कक्कडको विहे कहिले भन्ने प्रश्नले हैरान थिइन् । उनको विवाह र प्रेमका बारेमा हरेकका गसिपका पात्र पनि बनिन् । यस पटक भने उनको प्रेमको बारेमा आफैले मुख खोलेकी छन् ।

उनले एक कार्यक्रममा आफु अफेयरमा रहेको बताएकी छन् । नेहाको पन्जाबी गायक रोहनप्रीत सिंहसँग विवाह गर्ने खबरले बलिउड तताएको छ । सायद यहि कुरालाई प्रमाणित गर्न नेहाले एक तस्वीर सामाजिक सञ्जालमा पोस्ट गरेर आफ्नो सम्बन्धलाई अफिसियल गरीदिएकी छ्न् ।

उनले आफ्नो इष्टाग्राममा रोहनप्रीतको सँगै भएको तस्वीर सार्वजनिक गरेकी छन् । जसमा दुवैजना खुसी मुन्द्रामा देखिरहेका छन् । सार्वजनिक गरिएको तस्वीरमा नेहाले क्याप्सनमा लेखेकी छिन्, ‘तिमी मेरो हो । ’ उनले दुवैजनाको नाम मिलाएर ह्याश ट्याग पनि राखेकी छिन् ‘नेहुप्रीत’ ।

भारतीय समाचार अनुसार नेहा र रोहन २४ अक्टोबरमा सातमा विवाह बन्धनमा बाँधिदैछन् । उनीहरुले विवाह भारतकै नयाँ दिल्लीमा हुनेछ । दुलहाको कुरा गर्ने हो भने रोहन प्रीत पन्जाबी गायक हुन् । त्यस्तै उनले केही रियालिटी शो हरुमा भाग लिएका थिए । उनीहरुको रिलेसन निकै लामो समय देखि रहेको पनि बाहिर आएको छ ।