अञ्जु पन्तकाे गीतमा बेलायतमा राजदूत दम्पतीकाे अभिनय

लोकप्रिय गायिका अञ्जु पन्तको स्वरमा रहेको दुख्ने मुटु बोलको गीतको भिडियो सार्वजनिक भएको छ ।

बेलायतका लागि नेपाली राजदूत डा.दुर्गाबहादुर सुवेदी  (दुबसु क्षेत्री) र  राजदूतपत्नी पुनम सुवेदीद्वारा अभिनित म्यूजिक भिडियो  ‘दुख्ने मुटु’ सार्वजनिक भएको छ । साथै भिडियोमा दुबसु दम्पत्तिका अलावा नायक ध्रुव दत्त र नायिका मिरुना मगरका साथै  दूतावासका निवर्तमान उपनियोग प्रमुख शरदराज आरन र तृतीय सचिव तेजेन्द्र रेग्मीका दम्पतिको समेत अभिनय देख्न सकिन्छ ।

साथै भिडियोमा सरदराज आरन, सम्झना आरन, तेजेन्द्र रेग्मी, सुधा शर्मा, राजकुमार गिरीको अभिनय रहेको छ । भिडियोमा अभिनय गर्ने कलाकारहरुमा मिरुना र ध्रुबबाहेकका ३ जोडी नै वास्तविक जोडी हुन् । भिडियो बेलायतका सुप्रशिद्ध स्थलहरुमा छायांकन गरिएको हो ।

लण्डनमा प्रमुख स्थानहरु  ट्राफगल  स्क्वायर, अक्सफोर्ड स्ट्रीट, पिकाडेली सर्कस, बकिंगहम प्यालेस, हाइड पार्क का दृश्यहरु देख्न सकिनेछ ।

सार्वजनिक गीतमा आलोकश्रीको संगीत शृजना रहेको छ भने म्यूजिक भिडियोको निर्देशन, छायाँकन तथा  सम्पादन सञ्चारकर्मी कुशल  श्रेष्ठले गरेका हुन् । करिब तीन दर्जन म्यूजिक भिडियो निर्देशन गरिसकेका श्रेष्ठले कूटनीतिक व्यक्तित्वलाई अभिनय गराउन पाउनु महत्वपूर्ण अवसर भएको बताए ।