प्रदर्शन मिति तोकेर ‘लक्ष्मीपूजा’को टिजर सार्वजनिक

सरकारले सात महिना लामो समय देखिको लकडाउन पछि सिनेमा हल खोल्न अनुमति दिएको अवस्थामा यही आगामी (दशैं) कार्तिक ७ गते फूलपातीको दिन प्रदर्शनको घोषणा गर्दै चलचित्र ‘लक्ष्मीपूजा’को टिजर सार्वजनिक भएको छ ।

लक्ष्मीपूजको टिजरमार्फत् चलचित्रको मुल द्वन्द्व प्रस्ट्याउन खोजिएको छ । समिर मियाँको निर्देशन रहेको चलचित्रमा शोभित बस्नेत निर्माता छन् । सस्पेन्स र बदलाको कथामा निर्माण भएको चलचित्र अभिनेत्री जाहान्वी बस्नेत दोहोरो भूमिकामा देखिँदैछिन्। टिजरमा उनलाई नै विशेष प्राथमिकता दिइएको छ ।

सलोन सलिना फिल्मस्को ब्यानरमा निर्माण भएको चलचित्रमा जाहान्वीसँगै जयकिशन बस्नेत, अस्मिता जुुरेली, नीर शाहको अभिनय छ, भने अभिनेता सलोन बस्नेत र मोडल रियाशा दाहाल विशेष भूमिकामा देखिँदैछन् । ‘लक्ष्मी पूजा’ मा विपिन आचार्यको संगीत, दयाराम पाण्डेको गीत, केदार भुषालको लेखक, रामजी लामिछानेको कोरियोग्राफी र जयकुमार दर्लामीको छायांकन रहेको छ ।

निर्माता बस्नेतले कोरोना भाइरसका कारण ठप्प रहेको फिल्म क्षेत्रलाई चलायमान बनाउनका लागि फिल्म निर्माण गरेको बताएका छन् । कथावस्तु बलियो भएका कारण दर्शकलाई फिल्मले भरपूर मनोरञ्जन दिने उनको विश्वास रहेको छ । चलचित्रको एक्सन सिनको निर्देशन श्री श्रेष्ठले गरेका छन् ।