निर्मल क्षेत्रीको ‘बालै फरर’

गायक तथा मोडल निर्मल क्षेत्रीले ‘बालै फरर’ बोलको गीत सार्वजनिक गरेका छन् । उनले गीतको भिडियोलाई आफ्नै युट्युव च्यानलबाट सार्वजनिक गरेका हुन् । गीतको शब्द बालै फररर अलिक भल्गर जस्तो लागे पनि गीत निकै रोमान्टिक खालको सिर्जना गरको गायक क्षत्रीले बताए । उनले भने ,‘ गीत सुन्दा भल्गर पनि लाग्न सक्छ । अरु गीत भन्दा अलि फरक खाल्को दर्शकलाई गीत दिन लागेको हुँ । ’

यस गीतमा मोडललाई विकीनीमा देख्न सकिन्छ । गीत सार्वजनिक गर्नु अगावै यस गीतको भिडियोको चर्चा भएको थियो । ‘बालै फरर’मा क्षेत्री स्वयंमकै शब्द, संगीत तथा स्वर रहेको छ । जसमा क्षेत्रीलाई गायिका बविना किँरातीले स्वरमा साथ दिएकी छन् । ‘बालै फरर’ लाई याम थापा मगरले संगीत संयोजन गरेका हुन् ।

गीतलाई मारुनी रेकर्ड स्टुडियोमा सुमन रानाले रेकर्ड गरेका हुने भने मिक्सिङ तथा मास्टरीङ कुमार रानाले गरेका छन् । गीतको म्युजिक भिडियो तर्फ निर्मल क्षेत्रीकै निर्देशनमा भिडियो तय भएको छ । भिडियोमा निर्मलका अलवा विकिनी भेषकी सरु धिमाल, यमुना रसाइली र साथीहरुको नृत्य तथा अभिनय देख्न सकिन्छ । गीमा रैबि डि बेएतस्को कोरीयोग्राफी रहेको छ । भिडियोालई दीपक गिरीको छायाँकन र अमृृत चापागाँईले सम्पादन छ ।