निश्चल स्वस्तिमाको जोडी हलमा कहिले ?

निर्देशक निश्चल बस्नेत र अभिनेत्री स्वस्तिमा खड्काको जोडीको कुरा गरौ । यो जोडी मनपर्छ धेरैलाई । उमेर अन्तर छ, मन विचार मिल्छ दुबैको । यही भएर दुबैलाई आदर्श जोडी भनेर सम्मान पनि गरिएको हो ।

निश्चल र स्वस्तिमा काम गरिरहेका छन् आफ्नै तरिकाले । स्वस्तिमा म्यूजिक भिडियो, फिल्ममा व्यस्त । निश्चल फिल्म बनाउने तयारीमा व्यस्त ।

निश्चल र स्वस्तिमाको जोडी आयो गतबर्ष फिल्म घामड शेरे लिएर । फिल्ममा दुइ जना जोडी थिएनन् । साली भेना बनेर आएका थिए । दर्शकले यही भएर मन नपराएका हुन् भनेर भनौ कि नभनौ ।

फिल्म नचलेपनि जोडी हिट छ । निश्चलसँग फोटो खिचाउँदा स्वस्तिमा सामान्य अभिनय गर्ने कोशिश गरिरहेकी छिन् ।

यो जोडीलाई सुहाउने भुमिका दिएर फिल्म बनाए कसो नचल्ला । फिल्ममा अब के गर्ने त यो जोडीले । दिमाग खराब भन्ने कुरा पनि रोकियो ।