ओहो वर्षा

वर्षा राउत विन्दास हिरोइन हुन् भनेर भन्दा के हुन्छ । हुन् पनि उनी विन्दास । बोल्दा मनमा आएको बोल्दिने, मन लागेको कुरा खाइदिने । हरेक समय हासिदिने । वर्षा राउतको विशेषता ।

बोलीले गोली हान्यो उनलाई लकडाउनको बेलामा । दिएको एउटा अन्तरवार्ताले विवादमा ल्यायो । राष्ट्रियताको बिषयमा उनले बोलेको कुराले अहिले पनि नेगेटीभ प्रतिक्रिया पाएका हुन्छन् । तर, अब रात गयो बात गयो भने जस्तो भयो ।
वर्षा विन्दास भएर हिड्न थालेकी छिन् । किनकी, अब उनी आफूलाई आफू जे हो सोही शैलीमा ढाल्न पनि खोजेकी छिन् ।

स्विमिङ पुलमा रमाएको उनको फोटोले यही भन्छ कि भन्दैन । भन्छ यही कुरा नै । स्विमिङ पूलमा रमाउँदा उनले बादलको कुरा पनि गर्न भ्याएकी छिन् । अब बादलले आँधीबेहेरी नल्याउने तर ढल्दै गरेको सुर्यमा रंग भर्ने कुरा उनी गरिरहेकी छिन् ।

बादलले जस्तै वर्षाको मुस्कानले पनि उनमा फर्किएको खुशीको रंग भरिरहेको छ ।