मिलन चाम्सको फिल्ममा साम्राज्ञी अनुबन्धित

अभिनेत्री साम्राज्ञी आरएल शाहलाई लकडाउने मज्जाले फापेको देखिन्छ । उनले एकपछि अर्को गर्दै निकै ओटा फिल्ममा अनुबन्धित भइसकेकी छन् । उनका हातमा अहिले तीन वटा फिल्म क्युमा बसेका छन् । नेपाली फिल्म ‘ ड्रिम्स’बाट फिल्म क्षेत्रमा पाइला चालेकी साम्राज्ञीले एकपछि अर्को गर्दै सफलता हात पारिरहेकी छन् ।

पहिलो फिल्मबाट नै लक लागेकी साम्राज्ञीले पछाडी फर्कनु परेको छैन । अभिनेता भुवन केसीसंगको विवादले साम्राज्ञी ओझेलमा पर्ने कुराले चर्चा पाएको थियो । तर उनीहरुको अनुमान ठिक विपरित भइरहेको छ । त्यो विवाद पछि साम्राज्ञीले धमाधम चलचित्रमा काम गर्ने अवसर प्राप्त गरेकी छन् । उनी अहिले फिल्मका लागि धमाधम साइन गरिरहेकी छिन् ।

अभिनेता पल शाह संग फिल्म ‘रेड वाइन’मा अनुबन्धित भएको एकसाता नबित्दै साम्राज्ञीले मिलन चाम्सको नयाँ फिल्ममा अनुबन्धित भएकी छन् । उनीहरुले एक महिना अगाडी नै फिल्म खेल्ने सम्झौता भएता पनि हल्ला अहिले बाहिर ल्याएका हुन् । अभिनेत्री फाइनल भएको फिल्ममा अभिनेता फाइनल भएका छैैनन् । फिल्मको नाम पनि गोप्य राखिएको यस फिल्मको लेखन कार्य भइरहेको छ । फिल्म ‘हँसिया’बाट निर्देशनमा डेब्यु गरेका मिलन चाम्सले सबै जनराको फिल्म निर्देशन गरि सकेका छन् । मिलन निर्देशित फिल्म ‘बिर बिक्रम’,’ब्लाइन्ड रक्स’,’बबी’,’लिली बिलि’,’बिर बिक्रम २’ छन् ।