छायाँकार जावेदको गुमनाम मृत्यु

नेपाली फिल्मका छायांकार जावेद शाहको मृत्यु भएको छ । उनको ७० बर्षको उमेरमा हृदयघातका कारण घरमा नै मृत्यु भएको हो ।
छायांकार शाहको बुधबार नै मृत्यु भएता पनि खबर आजमात्र बाहिरिएको हो । उनको मृत्यु गुमनाम जस्तै नै भएको छ । झण्डै एकहप्तापछि मात्रै उनको मृत्यु भएको कुरा सामाजिक सञ्जालमार्फत बाहिरिएको हो ।

ठमेलस्थित निवासमै निधन भएको नेपाल चलचित्र प्राविधिक संघका अध्यक्ष पुष्कर लामाले जानकारी गराएका छन् । लामो समय फिल्म क्षेत्रमा सक्रिय रहेका शाह केही वर्षयता फिल्म क्षेत्रबाट सम्पर्कबिहीन जस्तै भएका थिए । उनी फिल्म क्षेत्र भन्दा पनि पारिवारीक जीवन बिताउँदै आईरहेका थिए । ७० वर्षिय शाहको श्रीमती र २ छोरा छन् ।

उनको मृत्यु भएको खबर न कलाकारले थाहा पाए ,न उनका नजिकका मान्छेहरुले । उनको गुमनामले मृत्यु भयो भने गुपचुप नै दाहासस्कार गरिएको । उनको मुश्लिम परम्पराअनुसार अन्तिम संस्कार भईसकेको बताइएको छ । शाहद्धारा दर्जनौ फिल्मको छायाँङ्कन गरेका थिए । उनले ज्वाला, प्रतिज्ञा, सीमाना, अवतार, प्रतीक्षा लगायत छन् ।