अमेरिकाबाट नन्दिताको चलचित्र प्रविधिकलाई सहयोग

लकडाउनका कारण हातमुख जोड्न अफ्ठ्यारोमा परेका फिल्म प्राविधिकहरुलाई राहत आउनेक्रम जारी रहेको छ । विभिन्न कलाकारले देश तथा विदेशबाट आर्थिक तथा खाद्यान्य वितरण गरिरहेका छन् । अमेरिकामा बस्दै आएकी अभिनेत्री नन्दिता केसीले तीस जना चलचित्र प्राविधिकलाई राहत सहयोग उपलब्ध गराएकी छन् । उनले अमेरिकामा रहेका विभिन्न व्यक्तिको सहयोगमा उक्त राहत उपलब्ध गराएकी हुन् ।
अभिनेत्री केसीले ग्यास किन्ने पन्ध्र सय रकम सहित चामल एक बोरा, तेल (२ लिटर), दाल (दुई किलो), चिउरा (दुई किलो), र साबुन (६ वटा) उपलब्ध गराएकी छन् । नेपाल चलचित्र प्रबिधिक संघका उपाध्यक्ष बिनोद लामा पाख्रिनले केसीले पठाएको राहत बितरण गरिसकिएको सामाजिक संजाल मार्फत जानकारी गराएका छन् ।  साथै केसीले मोटसाइकल दुर्घटनामा परेका कलाकार सन्नी रसाईलीलाई समेत पन्ध्र हजार नगद सहयोग गरेकी छिन् । लामो समय केहि अभिनेत्री नन्दिता अमेरिकामा बसोबास गर्दै आइरहेकी छन् ।