पुष्प र गरिमा अभिनित ‘तिम्रै लागि हो भने’ सार्वजनिक

अभिनेता पुष्प खड्का र मोडल गरिमा शर्मा अभिनित ‘तिम्रै लागि हो भने’ गीतको भिडियो सार्वजनिक भएको छ । गीतको भिडियोमा पुष्पलाई एक्सनका रुपमा देखाइएको छ । गरिमाका लागि पुष्पले एक्सन गरेको भिडियोमा देख्न सकिन्छ । गीतको भाव अनुसार भिडियोमा एक यूवकले आफूले मन पराएकी प्रेमिका लागि गरेका वाचाहरु प्रस्तुत गरिएको छ ।

गायक प्रमोद खरेलको आवाजमा समावेश यो गीतमा नवराज न्यौपानेको शब्द तथा संगीत भरेका छन् । यूवराज वाइवाको निर्देशनमा तयार भएको भिडियोमा देवेन्द्र पाण्डेको कोरियोग्राफी, निशाल पौडेलको छायांकन, विकास दाहालको सम्पादन छ ।