केन्द्र सरकारले दियो कंगनालाई कमाण्डोसहित ११ जवानको सुरक्षाकर्मी

बलिउड अभिनेत्री कंगना रनौतलाई महाराष्ट्र सरकारका मन्त्री र शिवसेनाका नेता कार्यकर्ताको धम्कीआएपछि उनको सुरक्षाका लागि केन्द्र सरकारले सुरक्षाकर्मी खटाएको छ । उनको सुरक्षाका लागि भन्दै केन्द्रीय गृह मन्त्रालयले ११ जना सुरक्षाकर्मी खटाएको हो । उनललाई गृहमन्त्रालयले ‘वाई’ श्रेणीको सुरक्षा दिने निर्णय गरेको हो ।

सुशान्तसिंह राजपुत मुद्दामा कंगनाले शिवसेनाको नेतृत्वमा रहेको महाराष्ट्र सरकारमाथि प्रश्न उठाएपछि विवादमा मुछिएकी हुन् । उनी र शिवसेना नेता तथा राज्य सभा सांसद सञ्जय राउतसँग त उनको जुहारी नै चलेको थियो। त्यस पश्चात राउतसहित शिवसेनाका नेताहरुले कंगनालाई मुम्बई नै नआउन धम्की दिएका थिए ।

उनीहरुको धम्कीलाई कंगनाले पनि हिम्मत भए रोकेर देखाउन चुनौतीकी थिइन् । जसका कारण उनीहरुबीचको झगडामा भइपरी आउने दुर्घटनालाई रोक्नका लागि केन्द्र सरकारले वाई श्रेणीको सुरक्षा भिआइपीलाई दिएको छ । जसमा दुई कमाण्डो र २ पीएसओ संलग्न हुने छन् ।

सुशान्त आत्महत्यापछि महाराष्ट्र सरकारको दबाबमा मुम्बई पुलिसले निष्पक्ष छानविन नगरेको आरोप कंगनाको छ । केहि दिन अगाडी एक अभिव्यत्ती दिदैँ अनुसन्धानमा लापरवाही र ड्रग्स कनेक्शनमा पनि मुम्बई पुलिस चुकेको बताएकी थिइन् । जसका कारण उनी .विरुद्ध महाराष्ट्र सरकार प्रतिरक्षामा उत्रिएको हो । केन्द्र सरकारबाट सुरक्षा पाएपछि कंगनाले ट्वीटरमार्फत गृहमन्त्री अमित शाहलाई धन्यवाद दिएकी छन्।

ये प्रमाण है की अब किसी देशभक्त आवाज़ को कोई फ़ासीवादी नहीं कुचल सकेगा,मैं @AmitShah जी की आभारी हूँ वो चाहते तो हालातों के चलते मुझे कुछ दिन बाद मुंबई जाने की सलाह देते मगर उन्होंने भारत की एक बेटी के वचनों का मान रखा, हमारे स्वाभिमान और आत्मसम्मान की लाज रखी, जय हिंद ? https://t.co/VSbZMG66LT

— Kangana Ranaut (@KanganaTeam) September 7, 2020