प्रमोदको ‘सुकुटी’ मा छमछमी नाचिन सारा सिर्पाली

लकडाउनको प्रभावले फिल्मको छायाँङ्कन रोकिएका छन् । फिल्म तथा अन्यको छायाँङ्कन रोकिदा फिल्मका अभिनेता तथा अभिनेत्री म्युजिक भिडियोमा देखिन थालेका छन् । अभिनेता विपिन कार्की , दयाहाङ राई देखि लिएर अभिनेत्री सारा सिर्पाली पनि म्युजिक भिडियोमा ब्यस्त हुन थालेकी छन् ।

सिर्पालीले अभिनय गरेको ‘सुकुटी’ बोलको म्युजिक भिडियो हालै सार्वजनिक भएको छ । सार्वजनिक भएको भिडियोमा सारासँगै सुमन बस्नेत र वसन्त अधिकारीको अभिनय देख्न सकिन्छ । भिडियोमा चितवनको थारु समुदायको सांस्कृतिक बिम्ब झल्काउन खोजिएको छ । जस गीतमा अभिनय कर्ताले थारु समुदायको ड्रेसअफमा छमछम नाचेका छन् ।
गीतमा आवाज प्रमोद खरेल र सृष्टि हिङमाङको सुन्न सकिन्छ भने संगीत गौरव दर्पणले गरेका छन् । गीतको एरेञ्जको काम नोर्वु शेर्पाले गरेका छन् ।
भिडियोलाई शिशिर खातीले निर्देशन गरेका छन् । त्यस्तै छायांकन संकल भुजेलको छ । बनिश शाहले सम्पादन गरेको भिडियोलाई सुवास बस्नेतले लगानी गरेका छन् । कोरियोग्राफी आर्जु बैजुको छ ।