मिन प्रकाश र उषाको ‘बुढो विदेश रैछ ’

गायक तथा संगीतकार मिन प्रकाश ओली र उषा कार्कीको आवाजमा नयाँ गीत सार्वजनिक भएको छ । ‘बुढो विदेश रैछ ’ बोलको गित बजारमा सार्वजनिक भएको हो ।
एक अर्काको श्रीमान र श्रीमती विदेशमा रहेको भन्दै स्वदेशमा रहेकाले माया लगाउने कुरा गीतमार्फत गरिएको छ ।  सामाजिक विकृती तथा विसंगतीलाई आधार मानेर तयार पारिएको गतिलाई मीन प्रकाश ओलीले नै तयार पारेका हुन् । दर्जनौ गीतमा आवाज दिइसकेका गायक मिन प्रकाशले समाजमा देखेका घटनालाई गीत मार्फत सन्देश दिन खोजिएको बताए ।

मेरो फिल्मसँग कुराकानी गर्दै भने, ‘अहिले श्रीमती विदेश गएको चाल पाएपछि छिमेकी आँखा लाउने, श्रीमान विदेश गएको थाहा पाए भने छिमेकीले आखा लाउने कुरालाई गीतले केहि सन्देश दिन खोजेको मात्र हो । अहिले गीतलाई दर्शकले राम्रै प्रतिक्रिया दिनुभएको छ । यसैमा खुसी रहेको छु । ’गीतलाई राजु सुनामले संगीत संयोजन गरेका छन् ।

गीतको भिडियोमा विक्रम चौहानको निर्देशन गरेका छन् भने गायिका उषा कार्की आफैले अभिनय गरेकी छन् । उनको अभिनयमा भुपाल कार्की ,कमला नेपाली ,सरिता गुरुङ ,दिपक लामाले साथ दिएका छन् । भिडियोलाई प्रकाश खड्काले छायांकन गरेका छन् ।