अर्को साल विराट र अनुष्का बुवा आमा बन्ने पक्का

भारतीय क्रिकेटर विराट कोहली र अभिनेत्री अनुष्का शर्मा बुवा आमा बन्ने पक्का भएको छ । अभिनेत्री अनुष्काले सामाजिक सञ्जालमा विराटसँगको तस्विर सेयर गर्दै छिट्टै तीन जना हुन लागेको बताएकी छन् । श्रीमानसँगको रोमान्टिक तस्विर शेयर गर्दै क्याप्सनमा लेखेकी छन् –‘अब हामी तीन हुँदैछौं । २०२१ को जनवरीमा तेस्रो आउँदैछ ।’

उनले सेयर गरेको तस्विरलाई विराटले पनि सेयर गर्दै बुवा बन्न लागेको संकेत दिएका छन् । यि दुइको जोडी एक स्याम्पूको विज्ञापनको सुटिङको क्रममा भेट भएको थियो । त्यहाँबाट उनीहरुको प्रेम बिस्तारै झाँगिएको थियो । उनीहरुबीच गहिरो मित्रता हुँदै प्रेम सम्बन्ध कायम भएको थियो ।