बुद्ध लामा र मलिका फिचर्ड ’हुन्न हुन्न हुँदै हुन्न’ सार्वजनिक

रियालिटी शो नेपाल आइडल सिजन १ का विजेता गायक बुद्ध लामा र हाल नेपाल आइडल सिजन ३ मा फाइनल ३ मा रहेकी प्रतिस्पर्धी सज्जा चौलागाईको युगल स्वरमा रहेको गीत ’हुन्न हुन्न हुदै हुन्न’ को म्युजिक भिडियो सार्वजनिक भएको छ ।

म्युजिक भिडियोमा गायक बुद्ध लामा लामा आफै अभिनय गरेका छन् । अभिनयमा बुद्धलाई अभिनेत्री मलिका महतले साथ दिएकी छन् ।
सुबोल थापाले कोरियोग्राफी गरेको भिडियोलाई नवराज उप्रेतीले छायांकन गरेका हुन् ।

नविन निरौलाले कलरिङ र सम्पादन गरेको भिडियोलाई गम्भीर बिस्टको निर्देशनमा तयार पारिएको हो । यस गीतलाई रमेश दहालले शब्द रचना गरेका हुन भने टिका दहालले संगीत गरेका हुन् । गीतमा राहुल प्रधानको संगीत संयोजन रहेको छ ।