दिपावली मै हलमा लाग्ने भयो अक्षयको फिल्म ‘सूर्यवंशी’,क्रिसमस् कुर्दै ’८३’

अक्षय कुमार अभिनित फिल्म ‘सूर्यवंशी’ दिपावलीमा सिनेमाघरमै प्रदर्शनमा आउने भएको छ । निर्माण टिमले यहि दीपावलीमा फिल्म हलमा लगाउने बताएको छ ।
अहिले चिन लगायत केहि देशमा बाहेक फिल्म हल बन्द रहेका छन् । हालै भारतमा मात्र फिल्म सुटिङका लागि सरकारले सावधानिका साथ गर्न अनुमती दिएको छ । फिल्म हल बन्द भएका कारण अहिले धमाधम फिल्महरु ओटीटी प्ल्याटफर्ममा प्रदर्शन भइरहेका छन् । ठूला फिल्म भने सिनेमाघरमै प्रदर्शन गर्ने भनेर प्रदर्शन मिती सारेका सारै छन् ।अक्षयको ‘सुर्यवंशी’ गत २४ मार्चमा प्रदर्शनमा आउने भनिएको थियो । तर कोरोना महामारीका कारण हल बन्द भएकाले फिल्मको रिलिज समय अन्योलमा पर्दै आइरहेको थियो ।

दीपावलीको अवसरमा भारतमा फिल्म ‘सूर्यवंशी’ दिवालीमा र क्रिसमसमा ’८३’ रिलिज मिती तोकिएको छ । रोहित शेट्टीको निर्देशनमा बनेको फिल्म ’सूर्यवंशी’मा अक्षय कुमार र कटरीना कैफ मुख्य भूमिकामा छन् भने अजय देवगन र रणवीर सिंहको सानो भुमिकामा देखिदैछन् ।

त्यस्तै कबीर खानको निर्देशनमा बनेको फिल्म ’८३’ को कथा १९८३ मा भारतीय क्रिकेट टिमले वर्ल्ड कप जितेको घटनामा आधारितमा निर्माण गरिएको हो । जसमा रणवीर सिंह कपिल देवको भूमिकामा देखिनेछन् ।

We are very confident that the ongoing theatrical exhibition situation will improve much in time for the release of our awaited films, Sooryavanshi and 83, this Diwali and Christmas, respectively. pic.twitter.com/sHr0fhMgBm

— Reliance Entertainment (@RelianceEnt) August 23, 2020