दयाहाङलाई खेलाउँदा पनि किन मिलनका भिडियो चलेनन्

दयाहाङ राई, सफल अभिनेता । अभिनयमा दयालाई टक्कर दिन सक्ने थोरै छन् नेपाली फिल्ममा । दयाहाङ राइलाई म्यूजिक भिडियो खेल्ने धुन चलेको छ । मिलन चाम्सले दयाहाङलाई २ वटा भिडियो खेलाएका छन् ।

दुइवटै भिडियो रिलिज पनि भएका छन् । तर, दुबै भिडियोको भ्यूज र चर्चा दयाको क्रेज अनुसारको भएन । ‘बल्ल बल्ल भेट भो’ रिलिज भएको ३ हप्ता भैसक्दा पनि यसले ७ लाख पनि भ्यूज पाएको छैन । अहिले १ दिनमै १० लाख भ्यूज सामान्य भैसक्यो ।

अर्को भिडियो त्यो तिमी हौं रिलिज भएको २ दिन भैसक्यो । गीतले ४ लाख भ्यूज टेक्न सकेको छैन । यसमा त म्यूजिक भिडियोमा चलेकी आँचल शर्मा पनि छिन् । दया र आँचल रहेर पनि भिडियो चलेन त ?

दुबै भिडियोको मेकिङ ठिकै हो । तर, यसको अडियोलाई फितलो मान्नपर्छ । अडियो फितलो भएर मिलनका २ वटै गीत नचलेका हुन् । दयाहाङको जादु चल्न पहिला गीत पनि राम्रो रोज्न पर्छ ।