अभया एण्ड द स्टिम  इन्जिनको नयाँ गीत ‘ छ मेरो अरु संसार ’ सार्वजनिक

नेपाली दर्शक तथा श्रोता माँझ डेढ दशक भन्दा लामो समय यता रक ब्यान्डको रुपमा परिचित अभया एण्ड द स्टिम  इन्जिनको नयाँ गीत ‘छ मेरो अरु संसार’ सार्वजनिक भएको छ । गत सोमबार ब्यान्डको युट्युब च्यानल मार्फत् गीत सार्वजनिक गरिएको हो ।
ब्यान्डकी फ्रन्ट लेडी अभयाले गीतमा स्वर मात्रै भरेकी छैनन् यसमा शब्द पनि उनकै रहेको छ । साथै, नयाँ गीतको सङ्गीत रचना, संयोजन र सङ्गीत निर्माण स्वयं उनैले गरेकी छिन् । गीतमा गितारको जिम्मेवारी रिन्चेन पाल्जरले सम्हालेका छन् भने सोनम लामा भुटियाको बेस रहेको छ । साथै, पियानोमा निकेश कार्की रहेका छन् भने ड्रममा रिन्चेन पाल्जर र नबिन थापा मगर रहेका छन् । भने ,  ब्याकिङ भोकलमा प्रशान्त गुरुङ र रिन्चेन पाल्जर रहेका छन् ।

वि.सं. २०६० सालमा सुरुवात भएको अभया एण्ड द स्टिम इन्जिन ब्यान्डले आफ्नो छुटै किसिमको संगीतले दर्शक तथा श्रोता माँझ लोकप्रिय छ । सार्वजनिक गीत आफ्नो  लागि निकै  महत्वपूर्ण रहेको अभयाले बताइन । ‘यो गीतको प्रत्येक नोट, गितार सोलोदेखि ओर्केस्ट्राको संयोजन सबैमा मैले उत्तिकै मिहिनेत गरेकी छु ’  उनले भनिन् ,’ सङ्गीत निर्देशन पहिलेदेखि नै गर्दै आएपनि अब यसमा थप काम गर्ने सोच बनाएकी छु ।’ सार्वजनिक गीतमा महिर मल्ल र श्रृष्टि कार्कीले अभिनय रहेको छ भने यसलाई अभया स्वयम्ले निर्देशन गरेकी हुन् ।