सुहानाको प्रमोशनमा व्यस्त झरना

लकडाउन छ । लकडाउनले फिल्म क्षेत्र छटपटिएको छ । फिल्म रोकिएको छ । ए मेरो हजुर ४ को सुटिङ पनि भएन । दशैंमा सोलो रिलिज गर्ने आशा निराशामा बदलियो । झरना थापा घरमै छिन् । फिल्म खेल्न अमेरिकाबाट आएकी सुहाना थापा पनि घरमै छिन् ।तर, सुहानालाई विर्सन दिनुहुदैन भन्ने सोच झरनाको छ ।

झरना थापाको फेसबुक, इन्स्टाग्राममा हेर्दा उनी आफूलाई लुकाउदैछिन् । सुहानाको टिकटक, सुहाना घुमेको, उनको भिडियो लगातार पोष्ट गर्दैछिन् झरना ।  फिल्म ए मेरो हजुर ३ बाट सुहाना थापाले दर्शकको साथ पाएकी हुन् । झरना, ए मेरो हजुर ४ रिलिज नभएपनि दर्शकले सुहानालाई नविर्सिउन् भनेर लागेकी छिन् । सुहानालाई दर्शकले माया गरेका छन् झरनाजी, प्रमोशन टिकटक र फेसबुकबाट नगरेपनि विर्सदैनन् । ए मेरो हजुर ४ दशैंमा रिलिज भाको भए फाइदा हुन्थ्यो होला सुहानालाई । तर, जहिले चल्छ फाइदा नै होस् ।