पूजा र आकाशको ‘सयौं जुनी’सम्म रोमान्स

गायिका अन्जु पन्त र प्रताप दासको स्वरमा रहेको ‘सयौं जुनी’ बोलको गीत सार्वजनिक भएको छ । पूनम मोथेको शब्द तथा सरोज पोखरेलको संगीत रहेको गीतलाई उदय राज पौडेलले एरेन्ज गरेका छन् । यस गीतको म्युजिक भिडियोमा अभिनेत्री पूजा शर्मा र अभिनेता आकाश श्रेष्ठले अभिनय गरेका छन् ।

म्युजिक भिडियोलाई निकेश खड्काले निर्देशन गरेक हुन् भने सम्पादन विकाश धमलाले गरेका छन् । त्यस्तै यस गीतको भिडियोको छायाँङ्कन बुद्ध थापाको छ । फिल्म ‘रामकहानी’ र ‘पोई पर्याे काले’मा दर्शकले एकसाथ रुचाएका जोडी पूजा र आकाशलाई निकेशले भिडियोमा खेलाएका छन् ।