सुगमको बुबालाई समर्पित “बुबा (हजुरको याद आउछ)” बोलको गीत सार्बजनिक

गायक सुगम पोखरेल ले समस्त बुबा लाई समर्पित गर्दै “बुबा (हजुरको याद आउछ)” बोल को गीत सार्बजनिक गरेका छन्। गीत मा उनको आफ्नै रचना तथा संगीत संगीत रहेको छ।

गीतको संगीत संयोजन सुजिल कर्माचार्य ले गरेका हुन्। गीतको भिडियो विकेश मगर ले बनाएका हुन्। नजिकिदै गरेको कुशे औशी (बुबा को मुख हेर्ने ) दिनको अबसरमा सम्पूर्ण बुबा लाइ सम्झिएर उनले यो गीत सार्बजनिक गरेका हुन्। केहि समय अघि अप्रत्याशित रुपमा बुवा बित्नु भएको ले उनलाई सुनाउन नपाएको मा दुख ब्यक्त गर्दै सुगमले बुबाको लागि भनेर बनाएको गीत बुबा ले सुन्न नपाएपनि सम्पूर्ण दर्शक तथा श्रोता को लागि समर्पित गरेका छन्।

साथै “भौतिक रूपमा बुवा अहिले हामी माझ नभएपनि वहाँ को शिक्षा-दिक्षा ,सोच , सपना अनि आशिर्वाद लाई मार्गदर्शन मानेर एउटा असल मान्छे बन्ने भरमग्दुर प्रयास सधैं गर्नेछु” भन्दै सामाजिक संजाल मार्फत गीत सार्बजनिक गरेका छन्। सुगम का अनुसार यो गीतले एउटा पिता को चित्रण गर्छ जुन रुप , सोचाइ , भोगाई , आचरण , ब्यक्तित्व सम्भवत हरेकका बा या बुवा को आकृति पाउनुहुनेछ/देख्नुहुनेछ।