‘हो म पागल हो पागल, चाहे कुकुर सम्झ चाहे मान्छे ’ : अभिनेता जीवन

नेपाली फिल्म क्षेत्रमा चकलेटी अभिनेताका रुपमा परिचित  अभिनेता जीवन लुइटेल परिवारसहित अमेरिकामा बस्दै आएका छन् । कारोना महामारीकाबीच अलिक फुर्सदिला बनेका उनी लेखेर कविका रुपमा चिनाइरहेका छन् ।

आफ्नो कविता उनले सामाजिक सञ्जाल फेसबुकमार्फत बेला बेलामा कविता पारखीहरुलाई पस्किरहेका हुन्छन् । उनले आज एक स्टाटस लेख्दै मुटु हड्ताल गराउने कुरा गरेका छन् । उनले लेखेका छन् ,‘हो, तपाईं सही हुनुहुन्छ निश्चित रूपमा मैले आफ्नो दिमाग गुमाएको छु ।

मलाई फेरि छाड्ने प्रयास नगर्नु किनकी मैले आफ्नो दिमाग बन्द गरिसकेको छु र आफ्नो मुख बन्द गरेको छु ।’  जीवनले आफुलाई पागलसँग पनि तुलना गरेका छन् । उनले आफू मुटुसँग हड्ताल गर्ने भन्दै अगाडि लेखेका छन्, ‘हो म पागल हो पागल, चाहे कुकुर सम्झ चाहे मान्छे ।’