आलोक नेम्वाङको अन्तिम म्युजिक भिडियो सार्वजनिक

स्वर्गिय आलोक नेम्वाङले निर्देशन गरिएको गीतको भिडियो दश बर्षपछि सार्वजनिक भएको छ । अञ्जु पन्तको स्वरको ‘सानी’ बोलको गीत एक दशक पछि सार्वजनिक भएको हो ।

गीतको भिडियो दश बर्ष अगाडी बनेता पनि हालै मात्र सार्वजनिक गरिएको जानकारी अभिनेता तथा मोडल गसराज गराचले जानकारी दिएका छन् । उनले सामाजिक सञ्जाल फेसबुक वालमा एउटा टिकटक भिडियो शेयर गर्दै लेखे– ‘धेरै वर्षपछि सार्वजनिक भएको एउटा म्युजिक भिडियो ।’

उक्त गीतमा सुवास केसीको तथा संगीत रहेको छ भने भिडियोमा अभिनेत्री तृप्ती नाडकरसंगै संगम विष्ट तथा अभिनेता एसराज गराचले अभिनय गरेका छन् । धीरजजंग शाहद्वारा छायांकन गरिएको उक्त भिडियोलाई प्रकाश तुलाधरले सम्पादन गरेका हुन् ।