मुना ठट्टालले कसलाई भनिन् ‘साथी धोकेबाज’

गायिका मुना ठट्टालको स्वरमा ‘साथी धोकेबाज ’ बोलको गीतको भिडियो सार्वजनिक भएको छ । मर्मस्पर्शि शैलीको यस गीतमा प्रेमकृष्ण बजागाईको शब्द तथा संगीत रहेको छ भने एरेन्जर बरिष्ट संगीतकार शिलाबहादुर मोक्तानको रहेको छ ।

सार्वजनिक भिडियोमा छिरिङ लामा , गीता थापा , अनिशा मोक्तान लगायतको अभिनय रहेको छ । एक मिल्ने साथीले अर्काे मिल्ने साथीलाई धोका दिँदा उत्पन्न हुने समस्याहरुलाई गीतमार्फत प्रस्तुत गरिएको छ । गीतको भिडियोलाई रामकुमार केसी छायांकनमा कुशल शर्माको सम्पादन रहेको छ भने हेरुका लामाले निर्देशन गरेका हुन ।